Last Updated on 2 weeks by admin
ඩේව්ඩ් ඇන්තනි
Pic. credit: foreignpolicy.com/gettyimage
ඇමරිකාවේ ජාතික බුද්ධි සේවයේ අධ්‍යක්ෂිකා තුල්සි ගබාඩ් ඉන්දියාවේ ඇන්ඩීටීවී රූපවාහිනී නාළිකාව සමග පැවැත්වූ සාකච්ඡාව ඉන්දියාවටත් වඩා වැදගත් වන්නේ ලංකාවටයි. ඇය මෙම සාකච්ඡාවේදී ‘ඉස්ලාමික කාලිෆයක්’ Islamist Caliphet ගැන අවධාරණය කළාය. මධ්‍යතන යුගයේ ලෝකය අත්පත් කර ගැනීමට ආගමික නායකයින් දෙදෙනෙක් වෙහෙසුනහ. ඒ, රට රටවලට ක්‍රිස්තියානි හමුදා යැවූ පාප්තුමා සහ ඊට පෙර ඉස්ලාම් හමුදාවක් සාදා එම කාර්යය ඇරඹූ කාලිෆ්වරයාය. මියන්මාරය, ලංකාව, ටිබෙටය වැනි රටවල් කිහිපයක් හැර ආසියාවේ බෞද්ධ රටවල් සියල්ලක්ම විනාශ කළේ ඒ මුස්ලිම් සේනාවයි.
තුල්සි ගබාඩ් හිතට එන අදහස් ප්‍රකාශ කරන්නේ යැයි කීමට බුද්ධිමතෙකුට නොපුළුවන. ඇයගේ දැනුම ඇමරිකාවේ බුද්ධි අංශවලින් සපයන සාක්කි මත පදනම් වී තිබේ. බංගාලි දේශයේ වර්තමාන අන්තර් පාලනය යටතේ ඉස්ලාම් අන්තවාදය ගොඩනැගෙන බව ඇය කියයි. බෞද්ධ, හින්දු, ක්‍රිස්තියානි ආදී ඉස්ලාම් නොවන ආගමිකයන්ට විරුද්ධව ඉස්ලාම් අන්තවාදයට ගොදුරු වූ බංගාලින් කරන ප්‍රචණ්ඩ ක්‍රියා ඊට සාක්කියකි. අතීතයේ සිටම ඉස්ලාම් ත්‍රස්තවාදයේ එක් ස්වරුපයක් පිළිම විනාශ කිරීම සහ ඉස්ලාම් නොවන හැම දෙනා මිහිතලයෙන් වඳ කළ යුතු යැයි සිතිමයි.
ඉන්දියාවේ ආරක්ෂ අංශ ප්‍රධානියා වූ උපේන්ද්‍ර දිමේදි පසුගිය පෙබරවාරි මාසයේ බංගාලි දේශය අවට විශේෂයෙන්ම ඉන්දියා බංගාලි දේශ දේශසීමාවේ (සිලිගුලි කොරිඩෝව) පැතිරෙන ඉස්ලාම් අන්තවාදය ගැන අනතුරු ඇඟවීමක් කළේය. ශිෂ්‍ය අරගලයක් ඇති කර බංගාලි දේශ අගමැති ෂෛක් හසිනා රටින් එළවා දමා, මොහොමඩ් යුනුස් යටතේ අන්තර්වාර පාලනයක් පිහිටුවීමත් කලිෆේට් වැඩපිළිවෙළේම කොටසක් යැයි ෂෛක් හසිනාගේ පලායෑම ගැන අදහස් දක්වන සමහරු සිතති.
පසුගිය මාසයක රොහින්ගියාවරුන් කණ්ඩායමක් ලංකාවට පැමිණියහ. රොහින්ගියාවරුන් යනු, මියන්මාරය ආක්‍රමණය කර සිටින බංගාලි දේශ සංක්‍රමණයින්ටයි. ඔවුන් කිසියම් ඉස්ලාම් අන්තවාදී සංවිධානයක් ලංකාවට එවූ ව්‍යාජ සරණාගතයින් නොවේ යැයි කිසිවෙකුට ස්ථිරවම කීමට නොපුළුවන. මේ ක්‍රමයට නොවෙතත් පසුගිය කාලය මුළුල්ලේ පකිස්ථානය, බංගාලි දේශය, මාලදිවයින් ආදි රටවලින් ලංකාවට සංක්‍රමණය වූ ඉස්ලාමිකයන් විශාල පිරිසක් සිටිති. ඔවුන් නිසා සිදුවන්නේ රටේ ඉස්ලාම් ජනගහණය ඉහළ යාමයි. ව්‍යාජ හේතු දක්වමින් පැමිණ අන්තවාදය පැතිරවීමේ අනතුරද තිබේ.
රොහින්ගියාවරුන්ගේ විශේෂත්වය සියලු දෙනාම ඉස්ලාම් ආගමිකයන් වීමයි. ඒ අතුරින් සැලකිය යුතු පිරිසක් ඉස්ලාම් අන්තවාදී සංවිධානවලට සම්බන්ධ වී සිටිති. මියන්මාර රජයට හා බෞද්ධයන්ට විරුද්ධව, රොහින්ගියාවරුන් වෙනුවෙන් වැඩ කරන ජාත්‍යන්තරයේ පිරිසක්ද සිටිති. ගාසා තීරයේ වෙසෙන පලස්තීන ජාතිකයන් සියල්ලෝම ත්‍රස්තවාදීන් නොවෙති. එහෙත් ඉස්ලාම් මිලිටරි සංවිධානය ඊශ්‍රායලට විරුද්ධව සන්නද්ධ පිරිස් හදා ඇත්තේම ගාසා අනාථයන් භාවිත කරමිනි.
රොහින්ගියාවරු කාලයක සිට චිරාත් කාලයක් තිස්සේ මියන්මාරයේ ජීවත් වන බෞද්ධයන් සමග ගැටෙති. විහාර සහ බුදුපිළිම කඩති. බෞද්ධ පවුල්වල තරුණියන් විවාහ කරගැනීමට රොහින්ගියා තරුණයින් පෙළඹවීම ඉතාම සංවිධානාත්මකව සිදුවී ඇත. එවැනි තරුණියන්ට ඉස්ලාම් ආගමට එක්වීමට සිදු වේ. බෞද්ධයන්ගේ ඉඩම් සහ වෙළඳාම අත්පත් කරගැනීම ඔවුන්ගේ තවත් ක්‍රියාවකි. මෙවැනි විනාශකාරී සිදුවීම් දුටු මියන්මාරයේ බෞද්ධ නායකයින් බොහෝමයකට රොහින්ගියාවරුන් පිළිබඳව ගැටලුවක් ඇති විය. එම නිසා බංගාලි දේශයේදී ආගමික අන්තවාදයෙන් සලිත වී බෞද්ධයන්ට හිරිහැර කළ රොහින්ගියාවරුන්ට සම්බන්ධ පිරිසක් ලංකාවට ඇතුළු වීම සංවිධානාත්මක ක්‍රියාවක්ද යන්න සොයා බැලිය යුතුව තිබේ.
ඉන්දියාවේ ඇත්තේ ඉස්ලාම් ත්‍රස්තවාදය කෙරෙහි සැලකිල්ලෙන් පසු වන ආණ්ඩුවකි. නරේන්ද්‍ර මෝදි, ඉස්ලාම් අන්තවාදයෙන් රට ගළවාගැනීමට දරන වෑයම ගැන යුරෝපයේ රටවල් බොහෝමයක සැලකිල්ල යොමුව තිබේ. ඊට එක හේතුවක් අතීතයේ කාලිෆ්ගේ හමුදාව යුරෝපය ඇල්ලීමට කළ බිහිසුණු වැඩපිළිවෙළ ගැන ඔවුන්ට ඇති දැනුමයි. ගත වූ පනස් වසරක පමණ කෙටි කාලය තුළ යුරෝපයට සංක්‍රමණය වී ඇති ඉස්ලාම් සංක්‍රමණිකයන් එම රටවල ජන සංයුතිය වෙනස් කිරීමට සමත් වීම තවත් හේතුවකි. ලන්ඩන්, පැරිස් වැනි යුරෝපයේ ප්‍රධාන නගර බොහෝමයක සමහර පළාත් ඉස්ලාම් කලාප බවට පත් වී ඇත. මේ වෙනස්වීම යුරෝපා රටවල සුදු ජාතික අන්තවාදීන් බිහිකරන්නට සමත් වේ. ඕලන්දයේ පාලන බලය දක්ෂිණාංශික දේශපාලන පක්ෂයකට යාම නිදසුනකි.
ඩොනල්ඩ් ට්‍රම්ප් ඇමරිකාවේ බලයට පත්වීම ඉස්ලාම් ත්‍රස්තවාදයට මෙන්ම ව්‍යාප්තවාදයටද තර්ජණයකි. ඇමරිකානු නායකයා ඉස්ලාම් ත්‍රස්තවාදය මැඬීමට දරන උත්සාහයට චීනය, රුසියාව වැනි රටවල් විරුද්ධත්වයක් නැත. ඒ රටවල් ද ඉස්ලාම් ත්‍රස්තවාදයෙන් පීඩා විඳිති. මෙම කාර්යය ඉන්දියාවේ අගමැති නරේන්ද්‍ර මෝදි සාර්ථක ලෙසින් ඉටුකරනු ඇතැයි යන බලාපොරොත්තුව මෝදි – ට්‍රම්ප් සාකච්ඡාවලදී, ට්‍රම්ප්ගෙන් ප්‍රකාශ විය.
ලංකාවේ ඇත්තේ නන්නත්තාර දේශපාලනයකි. පාලකයන්ගේ ප්‍රතිපත්තිය, ප්‍රතිපත්තියක් නැතිකමයි. ලංකාවේ දේදුනු සමාජයක් හැදීමේ වුවමනාව පසුගිය දිනක බුද්ධ ශාසන ඇමතිවරයාගෙන් ප්‍රකාශ විය. මොහු නන්දොඩවන්නෙකු වශයෙන් නොසැලකිය යුතුයි. මොහු කියන්නේ සිංහල බෞද්ධ සමාජය වෙනස් කළ යුතු බවයි.